«Բարձր տեխնոլոգիաների ոլորտի պետական աջակցության մասին» օրենքի և ՀՀ հարկային օրենսգրքի դրույթների կիրարկման նպատակով հաստատվել է բարձր տեխնոլոգիաների ոլորտի մասնագիտական աշխատանքների պաշտոնական ցանկը (Որոշումն ուժի մեջ է պաշտոնական հրապարակմանը հաջորդող օրվանից՝ տարածվելով 2025թ․ հունվարի 1-ից, իսկ որոշ դրույթներ՝ 2024թ․ հունվարի 1-ից ծագած հարաբերությունների վրա):
Պետական աջակցության հիմնական գործիքները (գործատուների համար):
Վերաբերում է այն սուբյեկտներին, որոնք զբաղվում են կառավարության սահմանված բարձր տեխնոլոգիաների ոլորտի պետական աջակցության ենթակա գործունեության տեսակներով․

1. Եկամտային հարկի փոխհատուցում՝
   ◼ Ցանկում ներառված մասնագիտական աշխատանք իրականացնող աշխատանքային միգրանտներին (60%-ի չափով)
   ◼ Նոր աշխատողներին` ցանկում ներառված մասնագիտական աշխատանքի անցնելու պահից 3 օրացուցային տարիների համար (60%-ի չափով)
   ◼ Ցանկում ներառված մասնագիտական աշխատանք կատարող` վերապատրաստում անցած աշխատողներին (50%-ի չափով)
2. 2026թ․ հունվարի 1-ից՝
   ◼60% փոխհատուցում՝ աշխատանքային միգրանտների եկամտային հարկից
3. Աջակցության սահմանաչափ՝
   ◼ Բոլոր աշխատողների գծով հաշվարկված եկամտային հարկի գումարի 50%-ը
   Հարկային արտոնություններ շահութահարկ վճարող ռեզիդենտների համար՝
   3.1. 200 % նվազեցում աշխատավարձից և դրան հավասարեցված այլ վճարումներից`
   ◼ Հաստատված ցանկում ներառված մասնագիտական աշխատանք կատարող անձնակազմի համար
   ◼ Կառավարության սահմանած չափանիշներին համապատասխանող և մասնագիտական հանձնաժողովի դրական եզրակացությանն արժանացած գիտական հետազոտություններում և փորձարարական մշակումների աշխատանքներում ներգրավված մասնագետների համար
   3.2. Եկամտային հարկի նվազեցված դրույքաչափ՝ 10%
   ◼ Հետևյալ մասնագետների համար՝ ներգրավված գիտական կամ փորձարարական աշխատանքներում, այդ թվում՝ սեփական կարիքների համար իրականացվող նախագծերում

Ովքե՞ր են ընդգրկված պաշտոնական ցանկում